Ertzaintzak eginbideak ireki dizkie, ikertu gisa, bi pertsonari, garraio-sektorearen greban egindako hertsapen-delitua leporatuta

Ertzaintzak zabalik du ikerketa garraio-sektoreak Euskadin egindako grebaren egunetan ekintza edo hertsapen biolentoetan parte hartu zuten pertsonak identifikatzeko. Egitate horietan harriak bota zizkieten errepidean zihoazen kamioiei, eta horrek kalteak eragin zizkien eta kasuren batean gidaria zauritu zuten jaurtitako objektuek edo hautsitako kristalek.

Bi ikertuei eginbideak ireki dizkiete, eta laneko protesta egunetan identifikatu zituzten. Horietako bat Zierbenako portuan identifikatu zuten, Ertzaintza etengabe aritu baitzen zaintzen garraio-sektorearen greba egunetan. Ikertuari hertsapen-delitua leporatu diote, lan egin nahi zuten garraiolariak ustez mehatxatzeagatik.

Bigarren ikertuari Santurtzin kamioiei harriak botatzea leporatu diote.

Ertzaintzak eginbideak irekita ditu hertsapen eta kalte delituengatik, eta horien baitan gertaera haiekin zerikusia duten beste pertsona batzuk identifikatzen saiatuko da.