Espetxera eraman dute joan den larunbatean Ortuellan izandako sexu-eraso baten egilea
Servicio de prensa
2022-05-16
Gaur arratsaldeko lehenengo orduan eraman dute Basauriko espetxera joan den larunbat goizaldean Ortuellan izandako sexu-erasoa leporatu dioten gizona.
Larunbatean, maiatzaren 14an, SOS DEIAK 112 zerbitzuan jaso zen dei baten bidez jakitera eman zuten emakume bati sexualki eraso egin ziotela Ortuellako jai-barrutian.
Lekura hurbildu ziren Ertzaintzako agenteek artatu zuten biktima, eta ondoren polizia-dispositibo bat ezarri zuten, Ortuellako Udaltzaingoaren laguntzaz, erasotzailea aurkitzeko. Susmagarria jai-barrutian bertan aurkitu eta arrastatu zuten.
Atxilotua gaur goizean jarri dute agintari judizialaren eskuetan, eta honek Basauriko espetxean sartzeko agindua eman du. Espetxeratzea gaur arratsaldeko lehenengo orduan egin da.