2020-04-03
Ertzainek 51 urteko gizonezko bat atxilotu zuten atzo goizean Sestaon, arma zuri batekin mehatxu egitea eta agintaritzaren agenteen aurkako atentatua leporatuta. Susmagarria, hainbat laban eta eraso egiteko beste hainbat elementu hartuta, Sestaoko pertsona baten etxera agertu zen eta ateari kolpeka aritu zen. Gizonezkoa aspalditik zebilen liskarrean pertsona horrekin eta herio-mehatxua egin zion behin baino gehiagotan. Arrastatu ondoren, ospitale psikiatriko batera eraman zuten.
Atzo, osteguna, goizeko zazpiak aldera, Ertzaintzak partikular baten abisua jaso zuen, ezaguna duen eta berarekin gaizki konpontzen den gizonezko bat etxera labana hartuta agertu zitzaiola, herio-mehatxuak egiten ari zitzaizkiola eta etxeko atea bortxaz kolpatzen ari zela esanez.
Handik laster hurbildu ziren Ertzaintzaren hainbat patruila adierazitako lekura, eta lehenengo patruila iritsi zenean, agenteek gizonezkoari jarrera oldarkorra alde batera uzteko eskatu ziotenean, honek agenteen kontra jo zuen bortxaz, nahiz eta inori ez zion minik egin.
Gainerako agenteak iritsi zirenean, ordura arte oso urduri eta agresibo egon zen susmagarria, pixkanaka lasaitzen hasi zen, ertzainek jarrera oldarkorra alde batera uzteko eskatzen zioten bitartean.
Horrela, gizonezkoarekin hogeita hamar bat minutuan hizketan aritu ondoren, eskuetan zituen bi labanak lurrean uztea eta arropa artean ezkutatuta zeramatzan beste labana bat eta borra luzagarri bat ere lurrera botatzea lortu zuten, eta inolako enfrentamendurik gabe kontrolatu ahal izan zuten, beraz.
Ondoren, eta polizia-aurrekariak dituen 51 urteko gizonezkoa identifikatu ondoren, ertzainek jakitera eman zioten atxilotuta geratzen zela arma zuriarekin mehatxu egitea eta agintaritzaren agenteen aurkako atentatua leporatuta, eta polizia-egoitzara eraman zuten. Handik, eta susmagarriak izandako jarrera kontuan hartuta, kasua agintaritza medikoaren esku jarri zuten, eta honek, beharrezko kudeaketak egin ondoren, ospitale psikiatriko batean sartzeko agindua eman zuen.