2020-05-02
Ertzaintzako agenteek bi gizonezko atxilotu zituzten atzo Arabako hiriburuan, substantzia sorgorgarriekin trafikatzea leporatuta. Konfinamenduan egiten ari diren polizia-kontroletako batean arrastatu zituzten bi gizonezkoak. Arrastatuetako baten etxean agenteek 3 speed dosi, 27 estasi pilula zituen poltsa bat, hiru doitasun-balantza eta dirua aurkitu zituzten.
Bi susmagarriak atzo arratsaldean arrastatu zituzten, Ertzaintzako patruila bat alarma-egoera dela-eta ezarritako konfinamendu neurriak kontrolatzeko lanetan ari zela. Agenteek gizonezko bat ikusi zuten telefono-dei baten ondoren Gasteizko Alde Zaharreko higiezin bateko portalean sartzen eta pixka batean barruan egon ondoren irten eta alde egiten.
Agenteei susmagarria iruditu zitzaien gizonezkoaren jarrera, eta identifikatu eta miatu egin zuten. Bere gauzen artean, ertzainek 3 speed poltsatxo aurkitu zizkioten, eta atxilotu egin zuten, beraz, droga-trafikoa leporatuta.
Agenteek jakin ahal izan zuten droga higiezinean bizi den gizonezko bati erosi ziola. Susmagarriaren etxebizitza zein zen jakin ondoren, agenteak jabearekin, susmagarriaren amarekin, jarri ziren harremanetan, eta honek etxean sartzen utzi zien agenteei. Agenteek bere gelan bi speed poltsatxo, 27 estasi pilula zituen poltsa bat, bi doitasun-balantza eta dirua, segur aski drogaren salmentakoa, aurkitu zituzten.
Ebidentzia horien aurrean, atxilotu egin zuten susmagarria substantzia sorgorgarrien trafikoa leporatuta. Atxilotuak polizia-aurrekariak dituzten 43 eta 26 urteko bi gizonezko dira, eta Ertzaintzaren egoitzara eraman zituzten. Polizia-eginbideak amaitu ondoren, biak epailearen aurrera eraman zituzten.
Jarrai gaitzazu Twitter bidez
@ertzaintzaEJGV