Cabecera contenido seccion noticias

Eduki publikatzailea

20_0853-eu

Hiru pertsona zauritu dira Galdakaon gertatu den zirkulazio-istripu batean

Prentsa bulegoa

2020-09-10

Gaur gertatu den eta biktimak eragin dituen istripurik aipagarriena gaur arratsaldean gertatu da N-634 errepidean, Galdakaon, bi autok eta furgoneta batek elkar jo dutenean. Istripuaren ondorioz hiru pertsona zaurituta geratu dira eta Galdakaoko ospitalera eraman behar izan dituzte.

 

Istripua arratsaldeko ordu bata eta laurdenean gertatu da N-634 errepidean, Bizkaiko Galdakao herrian. Istripua Ford Focus batek, Citro├źn C4 batek eta Iveco Daily furgoneta batek eragin dute. Bi autok elkar jo dute eta horietako batek kontrako noranzkoan zihoan furgoneta jo du.

Istripuaren ondoren ibilgailuak errepidean gurutzatuta geratu dira, eta bi noranzkoetan itxi behar izan da bidea. Istripuaren berri izan bezain laster inguratu dira Ertzaintzako eta Larrialdi Zerbitzuetako hainbat baliabide biktimak artatzera. Hiru pertsona zauritu egin dira eta anbulantzia batek eraman ditu Galdakaoko ospitalera.

Ibilgailuak erretiratzen zituzten eta bidea garbitzen zuten bitartean, trafikoa AP-8 autobidetik desbideratu dute, eta noranzkoetako bat libratu dutenean bertatik bideratu dute. Istripuak auto-ilarak sortu ditu, eta arratsaldeko hiruak aldera amaitu dira garbiketa-lanak.