Udako oporrak badatoz

Ertzaintzak gogorarazten du adingabeek baimen ofiziala behar dutela atzerrira bakarrik bidaiatzen dutenean

Adingabeek atzerrira bakarrik edo guraso-ahalik ez duen heldu batekin bidaiatzen dutenean, haien legezko guraso-ahala duten pertsonen baimena behar dute. Baimen horren bidez egiaztatzen zaie mugako agenteei adingabeak ez direla lurralde nazionaletik modu irregularrean irteten.

Baimen horiek honako estekaren bidez tramitatu daitezke:

https://www.euskadi.eus/autorizacion/autorizacion-para-salida-de-menores-al-extranjero/web01-tramite/es/

Adingabea atzerrira irteteko baimena tramitatu ahal izateko, formularioa bete, sinatu eta ertzain-etxe batera eraman beharko dute adingabearen guraso-ahala duten pertsonek. Formulario horrekin batera dokumentazio hau ere aurkeztu beharko dute:

-Adingabearen legezko ordezkari gisa diharduten pertsonen NANa edo pasaportea. Guraso bakarrekoa ez den familia batean, eta ertzain-etxera bi baimen-emaileetako bat soilik bertaratzen den salbuespeneko kasuan, bertaratu ez den baimen-emailearen NANaren edo pasaportearen kopia, bi aldeetatik, eraman beharko du bertaratzen denak. Ertzainak, baimena formalizatu aurretik, bertaratu ez den baimen-emailea informatuta dagoela eta bere kargura dagoen adingabearen irteera baimentzen duela egiaztatzeko beharrezko kudeaketak egingo ditu.

1. Adingabearen NANaren edo pasaportearen fotokopia, bi aldeetatik.
2. Familia-liburua.

Balioa: Baimenak 90 eguneko balioa izango du, ematen denetik hasita.

Jaitsi Kanpainaren irudia