Irunen atxilotu dute droga-trafikoagatik

Ertzaintzako agenteek gazte bat atxilotu dute goizaldean droga-trafikoaren delitu bat leporatuta. Susmagarriari 97,68 gramo haxix eta 1.600 euro atzeman dizkiote.

Goizaldeko hamabi eta erdiak aldera, Ertzaintzaren dotazio batek ibilgailu sumagarri bat aurkitu du Irungo Iparralde Etorbidean. Agenteek bi bidaiariak, gizon bat eta emakume bat, identifikatu ditu, eta bi pertsona horiek eta autoa bera miatu dituzte. Horrela egiaztatu ahal izan duten gizonak gerriko poltsa batean 1.600 euro eta kokaina-kopuru txiki bat zeramatzala. Gainera, autoko gordelekuan gaztearenak ziren 97,68 gramo haxix ere aurkitu dituzte. Jarraian, susmagarria droga-trafikoaren ustezko delitu bat leporatuta atxilotu dute.

Arrastatuak, 33 urtekoak, polizia-aurrekariak ditu, eta gaur goizean jarri dute agintari judizialaren eskuetan.